ජාතික නිදහස් සටනේ අභීත මුර දේවතාවා - වාරියපොල සුමංගල හිමි

 

                                                 වාරියපොල ශ්‍රී සුමංගල නාහිමි / Ai නිර්මානයක්

හැඳින්වීම

ක්‍රිස්තුවර්ෂ 1815 මාර්තු මස 02 වැනිදා උඩුරට ගිවිසුම නම් ලියවිල්ලකින් ශ්‍රී ලංකාව බ්‍රිතාන්‍ය ජාතීන්ගේ පාලනයට නතු වී යටත් විජිතයක් බවට පත්වූ වග වත්මන් දරු පරපුර සමහරවිට නොදන්නවා වියහැකිය. එවකට සිංහල බෞද්ධයාගේ තිබුනු ගුණධර්ම, ආචාරධර්ම, බලලෝභීත්වය, කුල භේදය සහ කුල මාන්නය, අසමගිය, ආත්මාර්ථකාමය, ආදිය පිරිහී යාමෙන් බ්‍රිතාන්‍ය ජාතිකයින් හට සමහර උඩරට ප්‍රභූවරුන්ගේ ගිවිසුම්ගත එකඟතාවයෙන් සිංහල රාජ්‍ය බලය අල්ලාගෙන සිංහලේ අන්තිම රාජු වන ශ්‍රී වික්‍රම රාජසිංහ රජු ජීවග්‍රහයෙන් අල්ලා ගැනීමට හැකිවිය. රජු ඉංග්‍රීසීන්ට පාවා දුන්නේද උඩරට සිංහල බෞද්ධ ප්‍රභූ සමාජය විසින්ම බැව් ඉතිහාසයේ පැවසේ. එවන් සමාජ තත්වයක් මත වුවද, ජාතික හැඟීමෙන් කටයුතු කල ගිහිපැවිදි බෞද්ධ බොහෝ පිරිසක් ජාතික නිදහස් සටන තුලින් මවුබිම ආරක්ෂා කර ගැනීමට දිවි පරදුවට තබා අභීතව කටයුතු කල ආකාරය අපගේ ඉතිහාස පාඩම් අපට කියාදෙයි. ඒ අතරට වැටෙන ශ්‍රේෂ්ඨ බුද්ධ පුත්‍රයානන් වහන්සේ නමක් වන්නේ ජාතික නිදහස් සටනේ අභීත මුරදේවතාවා යන විරුදාවලිය ලත් වාරියපොල ශ්‍රී සුමංගල නාහිමිපාණන්ය. මේ උන්වහන්සේ පිලිබදව තොරතුරු බිඳක්ය.

 

ඔබගේ ජීවිතයට යහපත් පෞරුෂ ලක්ෂණ කීපයක් බුදුදහමෙන්

 

                              පුද්ගල පෞරුෂය ඔහුගේ කැඩපතයි - Ai Image නිර්මානයක්

·         පෞරුෂය (Personality) පිළිබඳ කෙටි නිර්වචන කිහිපයක්. බුදුදහමට අනුව පෞරුෂය ගොඩනැගීම සඳහා මෙත්ත සූත්‍රයෙන් ලබා දෙන යහපත් ගුණාංග 15 සහ ජීවිතයට ප්‍රයෝජනවත් අවබෝධයන්. ඔබේ චරිතය වර්ධනය කර ගන්න.

ආතතියෙන් මිදීමට බුදුදහමින් ලැබෙන පිටුවහල

 

                      මානසික ආතතියේ අන්ධකාර පැත්ත - Ai රූප නිර්මානයක්

හැඳින්වීම

බුදුදහම මුලුමනින්ම මනසේ හැසිරීම පිලිබදව ඇති විද්‍යාවකි. “ මනො පුබ්බංගමා ධම්මා මනො සෙට්ඨා මනොමයා” සියල්ලටම මුල් වන්නේ මනසයි. සියල්ලටම පෙරටුව එන්නේ මනසයි යන තැනින් බුදුදහම මනෝ විග්‍රහය ආරම්භ කරයි. එසේ හෙයින් බුදුදහම මනස, සිත, සිතිවිලි, චේතනා, පිලිබඳව නිරන්තර විග්‍රහයක් ඉදිරිපත් කරයි. නූතන සමාජයේ මානසික ආතතිය, මානසික පීඩාවන් පිලිබඳව සහ ඒවායින් මිදීමට කුමක් කල යුතුද යන්න බුදුදහම විවිධ ක්‍රම උපායන් ඔස්සේ අවධාරණය කරයි. 

අතීතය මා පසුකර යනවාද?? මා අතීතය පසුකර යනවාද?

 

                         අතීතය අප පසුකර යනවාද අප අතීතය පසුකර යනවාද / Ai රූප නිර්මාණයක්

දෘශ්‍ය මායාව

රාත්‍රියේ වීදි පහන් දැල්වෙමින් තිබෙනවා. කිසියම් ගමණක් ගිහිං මම නැවත මෝටර් රථය පදවාගෙන එමින් සිටින අතර මට පෙනෙනවා පාලුවට ගොස් ඇති මහා මාර්ගය දෙපස ඇති විදුලි පහන් කණු මා පසුකරගෙන පසුපසට යනවා. මට හිතුනා මා නිශ්චලව ඇති නමුත් විදුලි පහන් කණු මා පසුකරගෙන යනවා කියා. එවිට මම මෝටර් රථය පාර අයිනක නතර කර, පිටුපස වීදුරුව තුලින් ආපසු හැරී බැලුවා. විදුලි පහන් කනුද මා මෙන්ම නතරව ඇති බවක් මට පෙනුනා. මම කල්පනා කලා ආපස්සට ඇදෙන්නේ විදුලි පහන් කණුද නැත්නම් කාලයද කියා. මම නැවත මෝටර් රථය පණගන්වාගෙන ඉදිරියට ඇදුනා. මා ටික ටික ඈත් වෙන්නේ මා ගමන ආරම්භ කල තැනින් නේද?? නමුත් ඒක සත්‍යයෙන් අඩක් විතරයි. ආරම්භක ස්ථානයෙන් ටිකෙන් ටික ඈත්වෙනවා යනු මගේ නිවසට මා ටික ටික ලංවීම නෙවෙයිද? කොයි එකද එතකොට නිවැරදි??

සිතේ එකඟබව සහ බුදුදහම

 

                                        මානසික සාමය සහ භාවනාව / Ai නිර්මාණයක්

මානසික එකඟතාවය වර්ධනය කරගන්නා ආකාරය පිළිබඳ බුදුදහමේ විතක්ක සන්ථාන සූත්‍රයේ උගත් හැකි කදිම මනෝ උපදේශ. අයහපත් සිතිවිලි ඉවත් කර මානසික සමතුලිතතාවය රැකගන්නා ක්‍රම 5ක් ඉගෙන ගන්න.

 

හැඳින්වීම

ජීවිතයේ සෑම විටම මානසික ඒකග්‍රතාවය පවතියි නම් එයින් නිවැරදිව දෛනික කටයුතු කරගෙන යාමට මහත් පිටුවහලක් ලැබේ. නමුත් වර්තමාන ලෝකයේ කාර්යය බහුල ජීවන රටාව තුල මානසික ඒකාග්‍රතාවය මනස තුල තබාගන්නට මහත් වෙහෙසක් දැරිය යුතු අතර මානසික අවිවේකය සහ මානසික සමතුලිත භාවය රැකගන්නට අපොහොසත් වීම නිසා විවිධ මානසික ආතතීන් වලට මිනිසාට මුහුණ දීමට සිදුවේ.

දෛනික වැඩකටයුතු සහ කලබලකාරී වාතාවරණයන් මැද රැකියාවන් කරද්දී, වෙළඳ ව්‍යාපාර ආදී වෘත්තීන් වල නියැලෙද්දී, උසස් අධ්‍යාපන කටයුතු වල යෙදෙද්දී සහ විශේෂයෙන් මානසික වෙහෙස නිසා ගෘහ ජීවිතයේ සහ විවාහ ජීවිතයේ පවා බොහෝ ගැටළු පැන නගියි. සිතේ එකඟකම ඇති කරගන්නට බුදුදහමේ මජ්ඣිම නිකායේ "විතක්ක සන්ථාන සූත්‍රය" කදිම මනෝ උපදේශයක් සපයයි.

විවාහ බිඳවැටීම පිලිබඳව බුදුහමේ සහ නූතන විද්‍යාත්මක සමාජ විවරණය

 

                          නව දිවියක ආරම්භය - විවාහය සහ ප්‍රේමය - Ai නිර්මානයක්

 හැඳින්වීම

බුදුදහමට අනුව විවාහය, අනිත්‍යය සහ විවාහ බිඳවැටීමේ හේතු — ආදරය, කැපවීම, ලෝභ-ද්වේශ-මෝහය සහ නූතන විද්‍යාත්මක විවරණය සමග ගැඹුරු විග්‍රහයක්.

විවාහය විශ්වය තරමට සාධාරන අසාධාරන ද්විවිධ ක්‍රියාකාරිත්වයෙන් පිරුනු අපූර්ව අවකාශයක් වූවත්, බුදුදහමට අනුව සියල්ල අනිත්‍යයි යන න්‍යායයට යටත්ය. විවාහය මතුපිටට පවතින දෙයක් බවට පෙනුනත්, එසේ බව පෙන්වන්නට උත්සාහ කලත්, බොහෝ විවාහ ඛේදජනක ලෙස නාමමාත්‍රිකව ලෝකය හමුවේ පවතියි. දිව්‍ය ලෝකයක්, පරමාදර්ශි ජීවිතයක්, වාසනාවන්ත කුටුම්භයක් ලෙස බාහිර ලෝකය හමුවේ මවන ප්‍රතිරූපය බහුතරයක් විවාහ ජීවිත තුල නොපවතින අතර, ලොවෙන් සැඟව ගිය, වෙනම වේදනාකාරී පීඩාකාරී මනෝභාවයක් ඒවා තුල පවතින බව නොරහසකි.

ආදරය අහිමි වන්නේ කර්මයෙන්ද? – බුදුදහමේ දැක්ම සහ විද්යායත්මක අවබෝධය

 

        ආදරය අහිමි වන්නේ කර්මයෙන්ද? 🌸 සම්බන්ධතාවේ අර්ථය බුදුදහමේ දැක්මෙන්

                                                    Ai නිර්මාණයක් 

 

හැඳින්වීම

ආදරය යනු මනුෂ්‍ය ජීවිතයේ අතිශයින් මනරම් හා දුක්බර දෙයක්ය. එය එකවර සතුටක්ද, විඳවීමක්ද වේ. බොහෝ විට දෙදෙනෙකු අතර ඇතිවෙන ආදරය කාලයත් සමඟ අඳුරු වෙයි. සමහරු — “අපි වෙනස් වෙලා” යැයි කියති . නමුත් බුදුදහමේ දැක්වෙන ආකාරයට ඒ වෙනස්වීම බාහිර ලෝකයේ සිදුවෙන දෙයක් නොවෙයි, අභ්‍යන්තරයෙන් උද්ගත වන කර්මජ වූ විපාකයක ප්‍රතිඵලයකි. චිත්ත තෛසික රූප නිබ්බාන නම් වූ සතර පරමාර්ථ ධර්මයන් තුල සිදුවන සන්සිද්ධියකි. එසේම නූතන සමාජ මනෝ විද්‍යාව අනුව මානස හැසිරීම්වල විෂම වූ හේතු කාරක නිසා සිදුවන්නකි.