Friday, 12 June 2015

කිමද මේ තනිකම



කිමද මේ තනිකම
දෙනෝදාහක් මැද වුව
හඬන්නට සිත් දෙන
කියන්නට බැරි දුක......

Thursday, 11 June 2015

ඔබ තාමත් නිදි නිසොල්මනේ



ඔබ තාමත් නිදි නිසොල්මනේ
පුළුන්වළා යහන්තලේ
සඳ සැතපෙන සේ.....................
ඔබ තාමත් නිදි නිසොල්මනේ

නීල ආකාසේ…


මහරු සිත්තම් නිබඳ අඳිනා
මහා අවකාශේ….
මහා හිස්බව පමණි ඇත්තේ
නීල ආකාසේ…

සක්විති රජෙ‍ඳෙක් වගේද තුන්සිත



තරුකැට ගිලිහුනු අහස වගෙයි නෙත්
වස්සානයෙ තෙත් පොලොව වගෙයි නෙත්
වාන් දොරටු හැරි වැවක් වගෙයි නෙත්
භද්‍රකල්පයම කරවනු ඇයි තෙත්

මා ආපසු යන්නට යනවා



මා ආපසු යන්නට යනවා
රැගෙන යන්නට කිසිත් නැති කල 
හිස් අතින් ආපසු යනවා......

පසුකර ගෙන ආ වස්සාන සමයෙහි
ගිල ගන්නට ආ ගිම්හාන සමයෙහි
ඇති තරම් තුටු උනා ඇති තරම් දුක් උනා..
ඒ සතුට ඒදුකද අතැර මෙහි මග දමා..

මා සොයන නුඹ තවම නැත්තේ



ගලා ගෙන යයි නදිය හෙමිහිට
සොයා ගෙන නිම් තෙර සයුරු ඉම
බලා හුන්නෙමි සිය දහස්වර
සොයා ඒ දැයි නුදුටු නෙතුවර....