Thursday, 28 August 2014

උඩඟු මල නුඹ


උඩඟු මල නුඹ පතුල බොරඋනු
විලෙක සසලව මදනලේ දැවටී
නැවත කොතැනක නතර වන්නට
බලා හුන්නත් දිනෙක යයි පරවී...

Saturday, 23 August 2014

ඇලීමක් නොමැති තැන දුකක් කෙලෙසක එයිද..



මල් සුවඳ නොමුසු වී දුක් සුසුම වෑහෙද්දි
පිපුනු මල් පෙති ලිහී පොලොව මත වැතිරෙද්දි
සදාකාලික යමක් ඇතැයි සිත රවටද්දි
කෙසේ දුක නිවේවිද බිඳුනු රළ විසිරෙද්දි.....

Monday, 18 August 2014

හිරු වැළපෙන සැන්දෑවේ


හිරු වැළපෙන සැන්දෑවේ
පහන් චිතක එළි දැල්වේ
නුඹ ගැන මතකයෙ දේහය
එහිම දැවෙනවා..
නුඹේ නමින් ලියූ කවක
කඳුළු හැලෙනවා....