Tuesday, 16 December 2014

නිදිකුම්බා මල් පිපිලා


                   
ඇඟිලි තුඩු තුඩු හැපෙන සඳ
බියෙන් හැකිලී නිදන යුරු
නිදිකුම්බා කටුපඳුරේ
මල් පිපිලා.......

කුමට පිපුනිද ඇඟිලි තුඩු අග
ඇනි ඇනී වද වේදනා දෙන
කටු පිරිලා......

රැයද නොනිදා තරු ගනන් මැද
පොලොව විහිදා තදින් වැතිරුනු
කණාමැදිරියන් හටම පෙම්කල
පිනි පොදක් ලඟ විගස හැකිලෙන
නිදිකුම්බා කටු අතරේ
මල් පිපිලා.......

සුවඳ නැති මුත් නෙතට පියකරු
බමර ගුමුගුමු නදට නොනැමෙන
නිදන නොනිදන ලොවක සිරවුනු
නිදිකුම්බා නිදියහනේ
මල් පිපිලා.........

No comments:

Post a Comment