චන්ද්‍රරත්න මානවසිංහයන්ගේ පබැඳුමක්
වැලිතල අතරේ හෙමිහිට බසිනා
නේරංජන නදියේ ගයා හිස
වැඩ සිට බුදු වූ දා
තිලෝ හිමි මොක්සුව ලද මොහොතේ
සමාධී භාවනා . . .
සමාධී භාවනා . . .
හිම කඳු වැටියේ
සීතල සෙවණේ
චන්දන තුරු පිහිරා
ඇදී එන මල් මුවරඳ රසිනේ
සුවඳ මුසු කෝමල මද පවනේ
ගැටීලා - පාවෙනා
ගැටීලා - පාවෙනා
සත්සර නඟලා ටික ටික සෙල වී
සිරිමා බෝ හිමිගේ
මනෝහර පළුපත් අතු රිකිලි
නවා ගිය තාලෙහි රස නැඟුණා
සරාගී - ජීවනා
සරාගී - ජීවනා
සඟමිත් මෙහෙණී දකුණේ ශාඛා
සිරිලක ගෙන ආදා
සිටම තම – මහ මෙවුනා උයනේ
නටයි කොළ
වන්නම් ලෙස මහ බෝ
සුමීරී - නාදෙනා
සුමීරී නාදෙනා
වීඩියෝව මෙතැනින් නරඹන්න
0 Comments