Saturday, 17 August 2013

යම් මතු දිනයක


නිවාගන්න ඔය වෙහෙස ඔබේ
මා යන්නම් හති වැටෙන ඉසව්වට..
බර උසුලාගෙන
වන්දනා ගමනේ..
නටබුන් පුරයක
පාළු ඉසව්වක..

දෙවියන් නැති දෙවොලක් අභියස
කිසිවකු නිවා දැමූ
තෙල් පහණක් ඇති පූජාසනයේ
මල් පරවී ඇත..

මේ දෙවොලේ ඔබ දෙවියන් අයැදියි
වග වලසුන් ගෙන් 
මිදී සිටින්නට
හුදෙකලාවම..

යන්නට ඇති මග 
මගේ දෑස්  ඉදිරියේ..
තනිව යන්නට නොහැකි වූවත්
ඔබත් එහි නොඑනා නිසා..
ඔබේ දෙවියන් සමග ඉන්නට
ඔබට ඉඩදී..
මා යන්නම්...
අනතුරේ..

‍දෙවියන් නැති බව
යම් මතු දිනයක
සිහිපත් වී ඔබ නැවත හැරෙන විට
මා ආ මාවත
වනය විසින් අවුරා තියේවිද??

No comments:

Post a Comment