Saturday, 10 November 2012

හද අසපුව සිල් සුවදයි


වෙසතුරු ලෙස නුඹ දන්දෙනු
බැහැ මට මගෙ දේවී
නුඹ නැති තැන හදවත ඉනු
ලේ උනුවෙයි දේවී...
පිවිතුරු නැති බව කියමින 
නාඬන් මගෙ දේවී..
ලොවුතුරු සැප කැන්දන මග
යන්න එන්න දේවී...

මල් විසිරුනු මාවත දිගු
නුඹේ පයට පෑගී...
පාවඩ පිට පාවඩ ලෙස
නුඹට දැනෙයි දේවී..
පිනි විසිරුණු ලා තණ පත්
පා දෝවයි දේවී
හද අසපුව සිල් සුවදයි
නුඹේ නමින් දේවී...

පන් පැදුරත් සුව නින්දට
හරිම යසයි දේවී..
මහ මැදුරක සිරියහනක
ඒ  සැප නැහැ දේවී...
වනය පුරා නින්නාදෙන්
ඇසෙන ගීත දේවී
නියම් ගමෙක පුරවරයෙක
නෑසෙයි මගෙ දේවී...

දෙනෙත පුරා කඳුළු බින්දු
වෑහෙනවද දේවී
කඳුළු පිසින රළු දෑතම
සෑහෙනවද දේවී
අතැඟිල්ලේ එල්ලීගෙන 
නුඹ එනවද දේවී
මග පෙන්වමි දොස මගහැර
සිනා සෙයන් දේවී...








2 comments:

  1. This comment has been removed by the author.

    ReplyDelete
  2. අනාගාමී තලයෙන් මෙහා??????????????

    ReplyDelete