Thursday, 8 November 2012

එළිය ගලාවී..



ඉඩෝරයට වැහි වැ‍ටුනම
පොලොව තෙමේවී...
එහි බොරුවක් නෑ මායා නෑ
මල් ඵල ඒවී...

පිපාසයට දිය බිඳුවක් 
දෙතොල තෙමාවී..
එහි සයුරක් නැහැ ගංගා නැහැ
පවස නිවේවි..

පහන් තරුවෙ එළියෙන් වුව
අඳුර මැකේවී
එහි හිරු සඳු නැහැ විදුරවි නැහැ
එළිය ගලාවී..

ප්‍රපාතයෙන් ගොඩ ආ විට
ඉහළ පෙනේවී
එහි මහමෙර නැහැ උස් පව් නැහැ
අහස පෙනේවී..

ලය තෙරපන සුසුමෙන් වුව
හිත සැනසේවී
එහි නැලැවිලි නෑ හිස් බස් නෑ
හද සැනසේවී...








2 comments: