Sunday, 11 November 2012

කඩුල්ල ලඟ මම තවමත්



දඬු වැට උඩ ලේනු රංචු
දුව පැන යනවා...
දඬු වැට ලඟ වළිකුකුලන්
සින්දු කියනවා..
කඩුළු තහංචියේ සැඟව 
නුඹ ලතැවෙනවා..
කඩුල්ල ලඟ මම තවමත්
නුඹව විඳිනවා...


නියන් සාය ඇවිදින් වද
මෙරු මතු වෙනවා..
නිල්ල දැවී පොලොව පුරා
දූලි නගිනවා..
ආල වැඩුව හිත ගාවට
ලැව් ගිණි දැල් ඇවිළුනාම
වනන්තරය පුරා ඉතින්
දුම් විසිරෙනවා...


වසත් සමය නිමා වෙලා
වැහි දළු එනවා..
පයට ගැටෙන පොලාව පුරා
මඩ විසිරෙනවා..
ආල වැඩුව සිත ගාවට
මහ ගංවතුරක් ආවම
වනන්තරය පුරා ඉතින්
යට වී යනවා...



4 comments:

  1. This comment has been removed by the author.

    ReplyDelete
  2. ලස්සනයි කමෙන්ට් එක..ස්තුතියි දයානි

    ReplyDelete