Tuesday, 25 September 2012

ආපසු හැරෙන විට





මේ ශරත් කාලයද නොදනිමි
මේ ශීත සෘතුවද යැයි නොදනිමි
මේ ගිම්හාන සමයදැයි නොදනිමි ...
මේ වසන්තය දැයි නොදනිමි ....

මේ කිනම් ධ්‍රැවය දැයි නොදනිමි ....
සමකය කොතැනදැහි නොදනිමි
නිවර්තන කොහේදැයි නොදනිමි

අකල් වැහි ඇද වැටී
නොකල් මල් පෙති ලිහී
විකල් සුළගේ පාව
බොහෝකල් ගෙවිගෙවී ......

ඉතින් දොර කවුලු ලග
නෙතින් බලබලා ඉද
නොතින් යම් පෙලහරක්
සිතින් නුඹ පතනවද ....

ශීත හිම වැටෙන කල
හිරු මඩල ගිනිගනියි
මහදවල් මද්දහනෙ
පෝය සද වැඩහිදියි

ඇස් කෙවෙනි රිදෙන තුරු
බලා සිට බැරිතැනම
ආපසු හැරෙන විට
නුඹ කොහෙන් මතුඋනිද ...??

No comments:

Post a Comment